PAGTANGGAP NG GAWAD BALAGTAS
Iginawad ng Unyon ng mga
Manunulat sa Pilipinas (UMPIL)
1999 Agosto 28
May natatandaan akong sinabi o
sinulat si Adrian Cristobal noong araw—na ang mga award-award ay walang halaga
kung walang kasamang pera. Pero nagpapasalamat pa rin ako, at taos-pusong
nagpapasalamat, sa Gawad Balagtas na ipinagkakaloob ninyo sa akin ngayon.
Nagpapasalamat ako sapagkat
pinararangalan ninyo ako sa kabila ng katotohanang may panahong nagkahiwalay
tayo ng landas. Pinaghiwalay tayo ng isang malaking isyung pampulitika, at
hindi lingid sa marami sa inyo na nilait-lait ko ang inyong samahan noon.
Huwag na nating halukayin ang
nakaraan. Ang nangyari noon ay trabaho lang, walang personalan. Sapat nang
sabihing ang natatapilok ay hindi naman nananatiling nakadapa, at ang Gawad
Balagtas na ito ay isang okasyon para sa pagkakaibigan, pagpapatawad, muling
pagkakasundo—at pagkilala na marami pa tayong daratnang sangandaan sa
hinaharap, mga sangandaang muling susubok sa ating pagsasamahan.
Gusto kong samantalahin ang
pagkakataong ito para pasalamatan ang aking ina. Matagal siyang naging guro ng
Pilipino, at siya ang unang nagmulat sa akin sa yaman at dunong ng panulaang
Tagalog—lalo na sa talas at tigas ni Balagtas.
Muli, salamat sa pagkakaloob ninyo
sa akin ng Gawad Balagtas. Ito’y hindi lamang isang karangalan, kundi isang
hamon—isang hamon sapagkat, bagamat papasok na tayo sa isang bagong siglo at
isang bagong milenyum, ang lipunan ay isa pa ring madilim, gubat na mapanglaw,
at sa loob at labas ng bayan nating sawi, kaliluhan pa rin ang nangyayaring
hari.
1 comment:
If you're looking to lose fat then you certainly have to try this brand new tailor-made keto meal plan diet.
To design this keto diet service, certified nutritionists, fitness trainers, and chefs have united to develop keto meal plans that are effective, painless, economically-efficient, and delightful.
Since their first launch in early 2019, 1000's of individuals have already transformed their body and well-being with the benefits a great keto meal plan diet can give.
Speaking of benefits: clicking this link, you'll discover eight scientifically-tested ones offered by the keto meal plan diet.
Post a Comment